Rezime Egzekitif

Kisa MPO Rejyon Boston nan ye?

Desizyon konsènan fason pou alwe fon transpò nan yon rejyon metwopolitèn oryante pa enfòmasyon ak ide yo rekeyi nan men yon gwo gwoup moun, ki enkli ofisyèl eli yo, planifikatè minisipal ak enjenyè yo, defansè transpò ak rezidan ki enterese yo. Òganizasyon planifikasyon metwopolitèn nan (Metropolitan planning organizations, MPO) se kò ki responsab pou bay yon kad pou pran desizyon an. Lejislasyon federal la egzije chak zòn metwopolitèn nan Etazini ki gen yon popilasyon 50,000 oswa plis—yo rekonèt tou kòm yon zòn ibanize—pou etabli yon MPO ki deside kijan pou depanse fon transpò federal pou pwojè kapital ak etid planifikasyon pou zòn nan.

Jiridiksyon ak Manm MPO Rejyon Boston

Zòn planifikasyon MPO Rejyon Boston nan etann nan 97 vil nan nò Boston rive Ipswich, sid Marshfield, ak lwès Interstate 495.

Imaj ES-1 la montre kat minisipalite manm MPO Rejyon Boston yo.

Imaj ES-1

Minisipalite nan Rejyon Boston

Konsèy MPO a konpoze ak 22 manm votan. Plizyè ajans eta, òganizasyon rejyonal, ak Vil Boston se manm votan pèmanan, alòske 12 minisipalite yo eli kòm manm votan pou tèm twa lane. Uit manm minisipal reprezante chak uit sou-rejyon nan rejyon Boston nan, e genyen kat gwo syèj minisipal. Administrasyon Otowout Federal la (Federal Highway Administration, FHWA) ak Administrasyon Transpò Federal la (Federal Transit Administration, FTA) patisipe nan konsèy MPO a kòm manm (ki pa vote). Ou ka jwenn plis detay sou manm pèmanan MPO a nan Appendix F.

Imaj ES-2 la montre manm MPO ak òganizasyon Staf Planifikasyon Transpò Santral la (CTPS), ki sèvi kòm staf MPO a.

Imaj ES-2

Tablo Òganizasyon MPO Rejyon Boston

Pwosesis Planifikasyon Transpò

Gouvènman federal la règlemante finansman, planifikasyon ak operasyon sistèm transpò sifas la atravè pwogram transpò federal la, ki te adopte an lwa atravè Atik 23 ak 49 Kòd Etazini an. Seksyon 134 Atik 23 Lwa sou Èd Federal pou Otowout ak Seksyon 5303 Lwa sou Transpò Federal la, jan li te amande a, egzije zòn ibanize yo fè yon pwosesis planifikasyon transpò pou kalifye pou fon federal, ki abouti sou plan ak pwogram enpòtan ki gen objektif planifikasyon zòn metwopolitèn nan.

Re-otorizasyon ki pi resan lwa sou transpò sifas la se Lwa sou Reparasyon Sifas Transpò Amerik la (FAST: Fixing America’s Surface Transportation). Lwa FAST la fikse règleman ki lye ak planifikasyon transpò metwopolitèn nan. Lwa a egzije tout MPO yo reyalize yon pwosesis planifikasyon kontini, konplè epi kolaboratif (continuing, comprehensive, and cooperative, 3C) Nan kad pwosesis planifikasyon 3C a, MPO Rejyon Boston nan fè Pwogram Amelyorasyon Transpò (Transportation Improvement Program, TIP) ak Pwogram Travay Planifikasyon Inifye (Unified Planning Work Program, UPWP) chak ane. Dokiman sa yo, ansanm ak Plan Transpò Alontèm (Long-Range Transportation Plan, LRTP), se dokiman sètifikasyon e li obligatwa pou MPO a sètifye yo kòm egzijans rankont federal; sètifikasyon sa se yon prereki pou resevwa fon transpò federal yo. Anplis egzijans pou fè dokiman sètifikasyon yo, MPO a dwe etable epi fè yon pwosesis patisipasyon piblik ki enklizif, epi kenbe modèl ak resous done pou sipòte detèminasyon konfòmite nan kalite lè, analiz ekite transpò, ak travay ak inisyativ planifikasyon alontèm ak akoutèm.

Anèks E a eksplike kontèks règlemantè ak lejislatif kote MPO a opere nan plis detay.

Pwosesis Planifikasyon 3C a

Pwosesis Planifikasyon 3C a se yon apwòch pou fè planifikasyon transpò ki enpòtan. Gouvènman federal la egzije MPO a fè yon pwosesis ki kontini, konplè epi kolaboratif:

• Kontini: Planifikasyon transpò a ta dwe planifye pou orizon alontèm ak akoutèm, ki mete aksan sou pwogresyon k ap evolye soti nan sistèm planifikasyon pou rive nan planifikasyon, pwogramasyon ak enplemantasyon pwojè a. Li ta dwe rekonèt nesesite pou re-evalye done ak plan yo nan fason kontini.
• Konplè: Planifikasyon transpò a ta dwe antre tout stad ak nivo pwosesis la epi egzamine tout mwayen yo pou asire yon planifikasyon ak apwòch pwogramasyon ki ekilibre.  Pwosesis planifikasyon an ta dwe genyen ladan l analiz eleman ki pa lye ak transpò tankou itilizasyon tè, ekonomik, resous anviwònmantal ak popilasyon.
• Kolaboratif: Planifikasyon transpò a ta dwe yon pwosesis ki fèt pou ankouraje enplikasyon tout itilizatè sistèm nan ki enkli biznis, gwoup kominotè yo, òganizasyon anviwònmantal yo, ak piblik k ap vwayaje, operatè machandiz ak piblik la.

Chapit 1 an eksplike pwosesis 3C a nan plis detay.

Kisa UPWP  a ye?

UPWP a ke MPO Rejyon Boston nan fè, eksplike kijan fon planifikasyon transpò federal rejyon Boston nan ap depanse nan yon ane fiskal kèlkonk (FFY). Espesyalman, UPWP se yon plan finansye ki fèt nan konfòmite ak pwosesis planifikasyon transpò metwopolitèn ki dekri anwo a.

Devlopman UPWP a enplike pou priyorize tout etid planifikasyon transpò potansyèl ak analiz teknik ki ta ka fèt pou benefisye rejyon an nan yon ane kèlkonk. Pòte ak bidjè etid ki priyorize yo dokimante nan UPWP a. Objektif la se pou asire ke rezilta etid yo ede reyalize objektif transpò ke MPO a te fikse pou rejyon an atravè pwosesis piblik li yo.

UPWP a sèvi kòm yon sous pou enfòmasyon sa yo:

• Enfòmasyon pou ofisyèl gouvènman, ofisyèl minisipal ak piblik  ki konsène pwojè planifikasyon transpò sifas ak pwogram yo prevwa ki pou fèt nan rejyon Boston nan.
• Enfòmasyon bidjè pou ofisyèl federal ak eta yo sou fason MPO Rejyon Boston nan prevwa depanse fon planifikasyon metwopolitèn federal ak pwogram ki fèt nan non MPO a.

Kijan UPWP a lye ak objektif MPO Rejyon Boston nan?

MPO Rejyon Boston nan fè plan pou transpò rejyon Boston alavni. MPO a gide pa yon vizyon 20 lane pou yon sistèm transpò modèn, sekirize, ekitab, dirab epi avanse sou plan teknolojik pou rejyon an. Vizyon sa dekri nan LRTP aktyèl, Destinasyon 2040 MPO a. Travay planifikasyon transpò a ki finanse nan UPWP a se yon pati entegral nan reyalizasyon vizyon rejyonal sa.

Objektif transpò rejyon Boston nan, jan li defini nan Destinasyon 2040 lan, se konsa:

• Sekirite: Tout mwayen transpò yo ap sekirize.
• Sistèm Konsèvasyon: Kenbe epi modènize sistèm transpò a epi planifye pou rezistans li.
• Lè Pwòp / Kominote Pwòp : Kreye yon sistèm transpò ki ekolojik.
• Kapasite Jesyon / Mobilite : Itilize kapasite fasilite ki la deja a nan fason ki pi efikas epi ogmante opsyon transpò yo.
• Ekite transpò: Asire ke tout moun resevwa benefis ki konparab, e ki pa gen eka nan fason ki pa pwopòsyonèl pa envestisman MPO yo, kèlkeswa ras, koulè, orijin nasyonal, laj, revni, kapasite oubyen sèks.
• Vitalite ekonomik: Asire ke rezo transpò nou an bay yon fondasyon ki solid pou vitalite ekonomik.

Anplis  LRTP ak UPWP a, MPO a fè TIP pou rejyon Boston nan. Menm jan ak plan envestisman kapital akoutèm MPO a, TIP a dekri epi priyorize pwojè konstriksyon transpò ke yo prevwa pou mete anplas pandan peryòd senk an k ap vini an. Imaj ES-3 la reprezante relasyon ant vizyon ak objektif LRTP yo; fondasyon planifikasyon pou travay MPO a, UPWP a; TIP; ak pwosesis pou kontwòl ak evalyasyon pou reyalizasyon objektif rejyon an.

Imaj ES-3

Lyen ant LRTP, TIP, ak UPWP

Kisa fon planifikasyon metwopolitèn federal yo ye?

Total finansman federal ki pwograme nan UPWP sa se $5,923,303. Tout fon federal ki pwograme nan UPWP a akòde bay MPO Rejyon Boston nan pa Depatman Transpò Massachusetts (Massachusetts Department of Transportation, MassDOT) kòm fon Planifikasyon 3C FHWA (PL).   Men, finansman federal sa yo soti nan de sous okòmansman: FHWA ak FTA. Finansman federal yo, ki konplete pa yon kontrepati lokal MassDOT bay, genyen ladan yo sous inisyal sa yo:

• Planifikasyon 3C FHWA (PL): Finansman planifikasyon FHWA yo distribye nan Biwo Planifikasyon Transpò (Office of Transportation Planning, OTP) MassDOT la, dapre yon fòmil alokasyon ki etabli pa lejislasyon federal la, pou reyalize pwosesis planifikasyon 3C a. OTP a distribye finansman sa yo nan MPO Massachusetts yo dapre yon fòmil ki baze prensipalman sou mileyaj wout ak popilasyon rejyon an. Fòmil lan te devlope pa Asosyasyon Ajans Planifikasyon Rejyonal Massachusetts la (Massachusetts Association of Regional Planning Agencies, MARPA) e yo rekonèt li kòm fòmil MARPA a. Alokasyon finansman PL 3C ane fiskal federal 2021 pou rejyon Boston nan, genyen ladan l finansman angajman eta a, ki se 3,785,331 dola. Alokasyon PL 3C rejyon Boston nan repati ant CTPS la ki resevwa 3,066,118 dola ak MAPC, ki resevwa 719,213 dola.
• Planifikasyon FTA 3C a (§5303): FTA a bay finans pou planifikasyon 3C pou pwojè transpò pou MPO ak Depatman Transpò (Department of Transportation, DOT) dapre Seksyon 5303 La sou Transpò federal la. Fon sa yo egzije kontrepati lokal, ki distribye dapre yon fòmil alokasyon, e ki jere pa MassDOT. Fon sa yo konvèti an fon planifikasyon PL pa MassDOT.anvan distribisyon an. Alokasyon FTA ane fiskal federal 2021 pou rejyon Boston nan, ki enkli yon kontrepati lokal total, se 2,106,937 dola, e, menm jan ak fon PL 3C a, li divize an de kategori:
• MPO ak Planifikasyon FTA 3C MassDOT (§5303): Montan total fon FTA a, ki genyen ladan l yon kontrepati lokal, te pwograme nan UPWP sa kòm PL pou travay staf MPO a te reyalize se 1,737,817 dola.
• Planifikasyon MAPC FTA 3C (§5303): Yon pòsyon nan alokasyon FTA rejyon Boston nan ale tou nan MAPC. MAPC itilize fon sa yo pou fè etid planifikasyon transpò ki pwograme nan UPWP a. Montan total fon ki soti nan FTA a, ki enkli yon kontrepati lokal, ki te atribye bay MAPC kòm PL pou ane fiskal federal  2021 an se 369,120 dola.

Anplis, UPWP a genyen ladan l 50,000 dola ki gen rapò ak fon Seksyon 5303 FTA ane fiskal federal 2019 la ki spòte Plan estratejik CTPS la ak travay planifikasyn operasyon MPO a.

Èske gen lòt sous finansman nan UPWP a?

Wi, anplis travay MPO a finanse yo, CTPS la reyalize analiz planifikasyon ak etid ajans transpò eta a finanse, ki enkli MassDOT, Otorite Transpò Bè Massachusetts (Massachusetts Bay Transportation Authority, MBTA), ak Otorite Pòtyè Massachusetts (Massachusetts Port Authority, Massport). Ou ka jwenn plis detay sou etid ajans sa yo finanse nan Chapit 5 lan. Pou ane fiskal federal 2021 an, montan finansman ajans ki pwograme nan UPWP sa pou pwojè staf MPO a reyalize se sa ki annapre yo:

• Planifikasyon ak Rechèch FHWA nan tout Eta a (Statewide Planning and Research, SPR): $585,820 (ki enkli fon kontrepati eta a). Menm jan ak nan ka fon PL 3C yo, FHWA bay fon SPR bay OTP a dapre yon fòmil distribisyon. OTP itilize fon sa yo pou fè planifikasyon ak pwojè rechèch nan tout eta a. UPWP sa dekri etid SPR la finanse yo sèlman k ap fèt nan rejyon Boston; men, OTP a bay yon lis konplè sou fason fon sa yo distribye nan tout eta a nan yon dokiman yo rele Pwogram Travay Planifikasyon Transpò SPR. 
• Lòt MassDOT: 335,000$
• MBTA: 615,525$
• Massport: 5,000$
• Lòt sous: 97,000$

Ki etid ak aktivite ki nan UPWP ane fiskal federal 2021 sa?

Nan chapit k ap vini yo, gen enfòmasyon ki detaye sou pwogram travay, etid, aktivite sipò ak analiz teknik ki òganize nan kategori sa yo:

• Egzijans sètifikasyon ak aktivite administrasyon: UPWP a genyen ladan l aktivite MPO a dw fè pou rete sètifye kòm yon MPO pa gouvènman federal la, pou kalifye pou resevwa epi distribye lajan transpò federal la, epi kenbe resous done ak epkipman enfòmatik yo kòrèkteman. Gade chapit 3 ak 6 pou plis detay sou domèn travay sa yo.
• Pogram travay ankou / kontini: Domèn travay sa yo sipòte analiz teknik ak etid planifikasyon yo pou vil nan rejyon an. Gade chapit 4 la pou plis detay sou etid ak analiz teknik sa yo.
• Nouvo etid: Chak ane, yon sèten kantite finansman disponib pou nouvo etidyan yo pou fèt pa anplwaye MPO yo. Efò sa yo fèt pou amelyore konesans pratik anplwaye yo, pou amelyore metòd analitik epi evalye estrateji pou mizanplas yo. Gade chapit 4 la pou plis detay sou nouvo etid sa yo.
• Etid ak analiz teknik ajans yo finanse: CTPS la fè analiz planifikasyon ak etid ajans transpò eta yo finanse, ki enkli MassDOT, MBTA, ak Massport. Etid sa yo ajans finanse yo dekri nan plis detay nan Chapit 5 lan.

Tablo ES-1 la genyen bidjè ki alwe pou aktivite planifikasyon 3C MPO a nan ane fiskal federal 2021 an. Tablo a reflete fon PL metwopolitèn FHWA ak fon Seksyon 5303 FTA yo, ke CTPS ak MAPC preva depanse nan ane fiskal federal 2021 an. Tablo a reflete tou travay CTPS la fè ak fon lòt ajans transpò yo bay yo tou.

Chapit 3 rive nan chapit 6 yo bay enfòmasyon ki detaye sou aktivite planifikasyon transpò CTPS la ap fè pandan ane fiskal federal 2021 an. Nouvo etid yo chwazi nan ane fiskal federal 2021 yo rezime anba a nan Tablo ES-2 a epi yo dekri yo nan plis detay nan Chapit 4 la.

Tablo ES-1

Bidjè Pwogram Travay Planifikasyon Inifye pou Ane Fiskal Federal 2021 an

Nòt: Chif bidjè yo genyen ladan yo salè, frè jeneral ak soutyen dirèk.          

*Pwojè sa fèt nan non MassDOT men li finanse atravè kontra 3C MPO a.   

Tablo ES-2

Nouvo etid diskrè ki finanse nan ane fiskal federal 2021

NÒT: Enfòmasyon sa ka aktyalize toutotan bidjè UPWP ane fiskal federal la kontinye ap devlope              

Kisa Pwosesis pou Kreye UPWP ak Kontwòl Pwogrè sou Etid yo?

Devlopman UPWP a

Pwosesis pou kreye UPWP a chak ane genyen ladan l kreyasyon ak evalyasyon ide pou nouvo etid, ak mizajou pòte yo epi  antisipe rezilta pou aktivite analiz teknik kontini, egzijans sètifikasyon ak aktivite sipò administratif yo.

Ide pou nouvo etid yo soti nan yon konbinezon resous ki annapre yo:

• Kontribisyon piblik yo rekeyi nan rankont kominotè ak rankont ak uit gwoup planifikasyon minisipal sou-rejyon yo
• Kontribisyon Konsèy Konsiltatif Transpò Rejyonal yo rekeyi nan rankont kote anplwaye MPO yo diskite ide etid ak priyorite transpò òganizasyon manm Konsèy Konsiltatif yo
• Kontribisyon Komite UPWP a reyini nan rankont ki fèt pandan tout ane a ant komite MPO a ak anplwaye MPO YO. Komite UPWP a sipèvize devlopman tout dokiman UPWP yo
• Dokiman planifikasyon ki egziste tankou Pwosesis Jesyon Konjesyon ak Evalyasyon Bezwen LRTP yo; Plan kapital alontèm MBTA; Avni Metwo, plan alontèm MAPC pou kwasans entelijan nan rejyon Boston; ak lòt etid resan
• Gid FHWA ak FTA soti sou etid yo ki abòde domèn konsantrasyon planifikasyon transpò federal (pou plis enfòmasyon sou domèn konsantrasyon federal la, gade Anèks E ak Tablo E-1 an)
• Lèt kòmantè piblik ak pwopozisyon etid ke anplweye MPO yo resevwa pandan evènman sansibilizasyon ak pandan peryòd kòmantè piblik la pou UPWP ak lòt rapò CTPS la pwodui yo
• Konsiltasyon ak MassDOT, MBTA, ak MAPC ki fèt pandan devlopman dokiman an ak pandan tout ane a toutotan nouvo ide pou bezwen planifikasyon transpò yo ap soulve
• Bezwen anplwaye MPO yo idantifye ki soti nan entèraksyon kontini ant anplwaye MPO, ajans eta ak lokal yo, òganizasyon ak gwoup kominotè yo.

Ide pou nouvo etid yo konpile nan Inivè Nouvo Etid yo Pwopoze yo. Chak pwopozisyon baze sou fason li t ap ede rejyon an reyalize objektif LRTP yo. Nan chwa lis final etid yo, Komite UPWP a konsidere tou itilite rezilta etid ki pwojte a pou moun ki konsène nan MPO yo; si gen resous anplwaye sifizan ki disponib pou egzekite travay ki nesesè a; e si travay ki gen pou fèt la kowòdone olye li anplis pase travay ki fèt nan lòt ajans yo.

MPO a toujou ap chèche amelyore pwosesis li a atravè priz desizyon ki enklizif api kolaboratif. Pou rezon sa, MPO a ap chèche enplike yon seri pati ki konsène ki anpil epi divèsifye nan tout pwosesis devlopman UPWP a.

Anplwaye MPO yo ap kontinye chèche kontribisyon piblik pou ide pou Inivè Nouvo Etid ki Pwopoze yo epi angaje patisipan yo nan diskisyon, evalyasyon epi finalman priyorize edid pou enklizyon nan UPWP a. Anplwaye yo ap kontinye kontwole epi amelyore kanal kominikasyon MPO a tou, tankou sa ki dokimante anba a.

• Yon sitwèb angajan ki sèvi kòm yon resous pou sila yo k ap chèche enfliyanse planifikasyon transpò nan rejyon Boston.
• Yon kont Twitter vivan (@BostonRegionMPO) ki kouvri nouvèl ak evènman sou planifikasyon transpò
• Yon blog, TransReport, ki pibliye rechèch ak done MPO yo nan yon fòma ki abòdab
• Sansibilizasyon ekstèn ki sible pou gwoup defans ak kominotè yo, espesyalman sila yo ki reprezante popilasyon yo ki te mwens enplike nan fason istorik nan pwosesis MPO yo.
• Evènman piblik patnè transpò MPO yo akeyi, kote anplwaye yo bay epi koute enfòmasyon ak toblo resous yo
• Evènman nan stil pòt ouvèt, kote sila yo k ap chèche kòmantè ak konsèy sou pwojè TIP, pwopozisyon UPWP, oswa aplikasyon Asistans Tektik Transpò Kominotè yo ka entèraji ak anplwaye MPO yo nan fason endividyèl

Kisa pwosesis revizyon piblik la ye?

Kòmantè ki soti nan sansibilizasyon piblik yo fòme yon pati enpòtan nan kontribisyon nan UPWP a chak ane. Nan fen pwosesis devlopman UPWP a, MPO a vote pou pibliye pou revizyon piblik yon dokiman bouyon ki dekri travay kontini, nouvo etid, ak enfòmason finansye. Apre sa MPO a envite piblik la fè kòmantè sou Bouyon UPWP a. Anplwaye MPO yo pibliye dokiman an pou telechaje sou sitwèb MPO a (www.bostonmpo.org) epi rann piblikasyon li yo piblik pa yon lis distribisyon imel ki genyen ladan l kontak minisipal yo, manm piblik la ki enterese ak lòt pati ki enterese nan rejyon an ak rezo sosyal yo. Mesaj imel yo enfòme kontak sa yo sou opòtinite k ap vini pou kòmantè ak enplikasyon piblik yo nan priz desizyon MPO a, epi pou anonse lòt evènman ki patwone oswa MPO a fè. Anplwaye MPO yo mande kontribisyon piblik la tou pandan jounen pòt ouvèt CTPS ak evènman piblik MPO a oswa patnè transpò yo fè yo oswa (ki enkli MassDOT ak MBTA). Anplwaye MPO yo konpile tout kòmantè ki fèt pandan peryòd revizyon piblik la epi prezante yo bay konsèy MPO a.

Yo bay enfòmasyon sou pwosesis revizyon piblik la pou Bouyon UPWP ane fiskal federal 2021 an nan Anèks B.

Kijan yo kontwole pwogrè ak rezilta yo?

MPO a kontwole pwogrè etid ki finanse nan UPWP yo lè li fè travay sa yo:

• Apwouve pwogram ak pòte travay ki detaye
• Revize rapò pwogresyon yo chak mwa
• Swiv bidjè etid UPWP yo epi mete ajou depans reyèl yo nan rapò pa trimès yo
• Apwouve piblikasyon rezilta ki baze sou si objektif yo endike nan pwogram travay yo reyalize oswa non ak si rezilta ki endike yo te pwodui

Apèsi Dokiman sa

Dokiman UPWP a estriktire konsa:

• Chapit 1 an bay kontèks sou pwosesis planifikasyon metwopolitèn ak ajans manm MPO Rejyon Boston yo.
• Chapit 2 a bay  kontèks ak enfòmasyon ki detaye sou objektif dokiman sa, pwosesis devlopman ak kontwòl li, e kijan li ede MPO a atenn objektif transpò rejyonal li yo.
• Chapit 3 a genyen ladan l deskripsyon aktivite egzijans sètivikasyon ki pou fèt nan ane fiskal federal 2021 an (ki enkli sipò pou MPO, komite li yo, ak pwosesis ak aktivite ki asosye yo), ak bidjè aktyèl ki atribye pou chak pwogram ak aktivite.
• Chapit 4 la dekri etid kontini epi diskrè CTPS la ak travay analiz teknik la:
• rezime tablo etid UPWP ane fiskal federal 2019−20 ki te reyalize oswa ki pwojte pou fèt nan fen septanm 2020 yo, anplis pwodui travay yo, ki genyen rapò ak memorandòm teknik yo
• etid planifikasyon ak analiz teknik MPO k ap fèt soti nan ane fiskal federal 2020 rive nan ane fiskal federal 2021, si genyen
• Deskripsyon nouvo etid planifikasyon yo chwazi pou finanse nan ane fiskal federal 2021 an 
• deskripsyon mizajou analiz teknik kontini ak travay sipò anplraye MPO yo fè pou minisipalite yo ak rejyon an.
• Chapit 5 lan genyen ladan l deskripsyon etid planifikasyon transpò ajans lan finanse ak analiz teknik k ap fèt pa CTPS nan ane fiskal federal 2021 an. Sa yo enkli kontra renouvlab tankou sibvansyon SPR MassDOT la; kontra kontini tankou Pwogram Atik VI  MassDOT la ak Bazdone Transpò Nasyonal MBTA a: Koleksyon ak Analiz done; ak nouvo kontra yo.
• Chapit 6 la bay enfòmasyon ki detaye ak bidjè ane fiskal federal  2021 pou jesyon resous ak aktivite sipò anplwaye MPO yo fè yo.
• Chapit 7 la bay detay sou pwogram MAPC, UPWP a finanse, ki enkli asistans administratif, sipò, lyezon ak asistans teknik, ak aktivite etid yo.
• Chapit 8 la genyen ladan l tablo rezime bidjè ki prezante kijan fon planifikasyon metwopoliten federal la ap depanse nan aktivite sipò, etid ak pwogram ki dokimante nan UPWP sa. Chapit sa bay ofisyèl federal ak eta yo enfòmasyon ki nesesè pou awpouve itilizasyon fon yo ak pou jere kontra yo.
• Anèks A a prezante rezime pwojè pou pwojè / etid planifikasyon ki pa pwojè transpò MPO yo ki te (oswa ki pral) fèt nan rejyon Boston nan pandan ane fiskal federal 2021 an. Pwojè sa yo genyen yon pwosesis revizyon ak apwobasyon ki separe ki pa nan konpetans MPO a. Yo antre nan UPWP a pou bay yon imaj konplè sou plan ak etid yo preva k ap fèt nan rejyon Boston yo epi pou asire ke efò planifikasyon MPO yo kowòdone ak lòt travay k ap fèt yo.
• Anèks B a dekri pwosesis patisipasyon piblik ki itilize pou devlope epi revize Bouyon UPWP a. Anèks sa genyen ladan l tou yon rezime komantè ekri sou Bouyon UPWP a ke yo te resevwa pandan peryòd revizyon piblik la, ansanm ak repons MPO a pou kòmantè sa yo.
• Anèks C a genyen ladan l Inivè Nouvo Etid yo Pwopoze pou ane fiskal federal 2021 an epi dekri pwosesis evalyasyon Komite UPWP ak MPO a te itilize  kòm yon gid pou nouvo etid yo chwazi yo.
• Anèks D a genyen yon analiz distribisyon jewografik ki aktyalize ak etid zòn presi ki programe nan UPWP a.
• Anèks E a bay enfòmasyon ki detaye sou kad règlemantè ki oryante devlopman UPWP a ak etid ak aktivite ki pwograme pou finansman, ansanm ak règlemantasyon ak enstriksyon jeneral ke MPO a konsidere nan tout travay li yo.
• Anèks F la dokimante manm MPO yo nan detay